انا طالبه في تالته اعدادي انا بدات السنه بمذاكره كويسه ولاكن تدريجيا بدات اكره المذاكره كل ما اذاكر اتخنق وبفضل سرحانه وانا نفسي اجيب مجموع كويس جدا ولاك خنقتي من المذاكره ماثر عليه محتاجه حل
اللي انتي فيه ده عادي جدا في حالة ان مفيش حاجه طبعا بدأت انها تأثر عليكي.. زي مثلا خلافات او مشاكل. لو كان الامور عادية .. ف ده طبيعي جدا، بالذات لو بداتي من الاول السنة كده مذاكرة جدا اوي وبحماسة شديدة. لازم الواحد يبدأ تدريجيا في المذاكرة لحد ما يبدأ يعلى شوية بشوية .. هقول على مثال بسيط .. لو انتي في سباق جري وبدأتي السباق بكل قوتك وعزيمتك هتيجي في نص او ربع السباق وخلاص هتبقى مش قادرة تكملي خالص وهتتعبي بسرعة. اما لو بدأتي السباق بتسخين كده وشوية شوية بدأتي تزودي في سرعتك هتوصلي ومش هتتعبي زي ما تعبتي في الاول .. ف انتي كان المفروض انك تبدأي تدريجيا وبالراحة .. حاولي تمشي واحدة واحدة .. وفي نفس الوقت خلي فيه شئ ترفيهي في اليوم بتاعك واعتبريه مكافاة مثلا على مذاكرتك. وخلي فيه يوم يكون راحة متعمليش فيه اي حاجه، علشان تجددي طاقتك. اما لو كنتي ضاغطة نفسك من الاول بالطريقة اللي انتي بتقولي عليها، مؤكد لازم تزهقي وترهقي .. جربي الطريقة اللي قولتلك عليها وشوفي الدنيا هتمشي ازاي معاكي.
تم النشر الاثنين، ٢٧ نوفمبر ٢٠٢٣
استعيني بالله واقري قران.. وابدائي ونظمي وقتك والحقي لمي ال غليكي عشان امتحانتك 🤍🤝🏻
تم النشر الاثنين، ٢٧ نوفمبر ٢٠٢٣
لعرض السؤال في فدني اضغط هنا