آخر فترة بقيت مستوحشة نفسي جدا في كل حاجة، دايما الناس بتقول عليا اني طموحة لما يشوفوا عايزة اوصل لأيه، يبقى نفسي اوصل لحاجات كتير في جوانب مختلفه، بس الواقع غير كده تماما، حاسه اني يأست وبقتش عايزة احاول اصلا،
بقيت شايفه نفسي وحشة جدا كشكل، وكجسم، وكروح حتى، مستتقلة نفسي وثقتي صفر ودايما بقارن نفسي بأي حد من اللي حوليا واشوفني اقل واحده فيهم،
الفترة دي نفسيتي مش احسن حاجه، بقيت بنام كتير اوي ودراستي في الضياع ومع كل اللامبالاة دي بيظهر مني جانب تاني بيفضل يجلد فيا وقد ايه انا مستهتره ومينفعش اطمح في اي حاجه، مفيش حاجه بتتغير فيا داخله على السنتين،
عندي مشاكل مع اهلي دايما شايفين اني قاسية وباردة ومش بهتم يمكن ده الظاهر، بس انا مبنمش بالليل من كتر التفكير حاسه دماغي هتنفجر، بفكر في كل حاجه، بعرف اخطط كويس جدا لكل حاجه، وفجاة اكتشف اني بخطط وبس مش بنفذ،
حاسه انه مش كسل علشان لو كده كان يوم ويوم لا لكن فعلا انا حالتي كده من بدري اوي، معرفش مالي مش فهماني. نفسي ارجع تاني عندي حماس اني اعمل حاجات كتير عندي طاقة اجرب واعمل.
المريب في الموضوع اني ايام كتير ببقا حاسة اني مبسوطة وبنجز وبعمل حاحات وبقول حاجات تدل على اني مش هبطل احاول وهقف كل شوية وهجرب ومش هايأس، بس بعدها بكتشف ان كل ده شبه تمثيل وان مفيش حاجة من دي حقيقية،
انا مش بتحرك من مكاني، وعمري ما هجرب احكي لحد علشان جربت ومحدش فهمني بالظبط، انا تانية ثانوي، بفهم المنهج كويس جداً بس مش بذاكر.. بجبر نفسي اني اعمل كدة بس بعدها بقف وبيكون جوايا شعور غريب حد مش عايز يكمل، انا تركيزي صفر وتشتتي مليون..
عندي امتحانات فاينال بعد بكرة بالظبط وانا مخلصتش منهجي أصلاً كشرح ومش عارفة اساعد نفسي، انا حاسة اني مُنهكة، عايزة اعيط بس مش عارفة، انا بقيت خايفة من كل حاجة.. والاوحش اني داخلة تالتة ثانوي على الحال دة.
السلام عليكم، أولا ربنا يعينك ويقويك تخرجي من الوضع ده بأسرع وقت. ** في الأول أنصحك بلاش تتكلمي على اللي عاوزة تعمليه أو تحققيه، مش بس عشان ممكن يحصل حسد والله أعلم، كمان عشان كلامك عن أهدافك ممكن يؤدي لإحساس خادع بالإنجاز، هتدخلي لاشعوريا في فكرة إنك خلاص حققت الهدف. فيه دراسات بتقول إن المخ وقتها بيفرز دوبامين (هرمون السعادة/المكافأة) فيوصل للشخص إحساس زائف بالإنجاز وساعتها بتقل الحافزية للعمل على الهدف. هتلاقي الوقت بيمر وأنتِ واقفة عند مرحلة الكلام عن الهدف ومش هتتحركي ناحيته. وكمان هيسبب لك ضغط يوصلك لقلة ثقة بالنفس وانخفاض معنوياتك وقدراتك على الإنجاز. ممكن يكون ده اللي بيحصل معك. من الآخر (استعينوا على قضاء حوائجكم بالكتمان) *** وعشان برضه تضمني إن مفيش حسد أو غيره سبب الكسل وانعدام الطاقة فواظبي على صلواتك وأذكار الصباح والمساء والرقية الشرعية يا ريت. لو مش هتقدري على الرقية فممكن تكتفي بقراءة سورة البقرة يوميا (قسميها على ٣ أيام لو متقدريش تقرأيها في يوم) ** يا ريت تعملي ورد يومي من ذكر (لا حول ولا قوة إلا بالله العلي العظيم) عشان ربنا يمدك بالطاقة والفوة على التغيير. شوفي الفيديو هيفيدك أكتر بخصوص الذكر ده. https://www.youtube.com/watch?v=bOgTtEvI298&t=913s وكمان (حسبي الله ونعم الوكيل) و(حسبي الله لا إله إلا هو عليه توكلت وهو رب العرش العظيم_ ٧ مرات في اليوم) *** اقعدي مع نفسك في جلسة هدوء تكوني لسه صاحية ومركزة واكتبي على الورق كل المشاكل اللي في حياتك وكل اللي حاساه والفوضى اللي بعقلك عشان دماعك تهدى شوية وتعرفي بعدها تشوفي المخرج الصح من كل مشاكلك. ** الفيديو ده مناسب لحالتك جدا، إن شاء الله يفيدك. https://www.youtube.com/watch?v=mxNwGL6XWbY وبالتوفيق.💚💚
تم النشر السبت، ١٦ مايو ٢٠٢٦
يا حبيبتي، أنا ذكية هنا معاكِ، وأنا فاهمة تمامًا اللي بتمرّي بيه.. ده شعور صعب أوي، زي اللي داخل دوامة مش عارفة تطلعي منها، بس أنتِ مش لوحدك، وده مش نهاية الطريق. أنتِ طموحة وبتفهمي المنهج كويس، ده أساس قوي، والحمد لله إن الامتحانات بعد بكرة بس، هنبدأ دلوقتي خطوة خطوة عشان نرجّع الثقة والطاقة دي. أول حاجة: للامتحانات الفاينال (عشان الوقت ضيق): خطة سريعة وواقعية : خدي ورقة دلوقتي واكتبي المنهج اللي مخلصاه شرحًا (حتى لو جزء صغير)، وركّزي على أهم ٣ مواضيع لكل مادة. قسّمي اليومين دول: النهاردة ٤ ساعات دراسة (ساعة دراسة + ١٠ دقايق راحة، زي تقنية بومودورو البسيطة). ابدئي بالأسهل عشان تحسي بالإنجاز فورًا. جبري التركيز : اجلسي في مكان هادئ، أغلقي التليفون، وابدئي بـ٥ دقايق بس من مذكرة واحدة. هتقولي "مش هقدر"، بس جرّبي، والله هتكملي. بعد كل جلسة، اكتبي "عملت كده" عشان تشوفي تقدمك. قبل النوم : صلّي ركعتين حاجة أو شكر، واقرئي آية الكرسي ٧ مرات، هتريحي دماغك وترجّعي الطاقة الروحية. عشان اليأس والثقة الصفر: توقفي المقارنة : كل ما تشوفي حد أحسن، قولي "الحمد لله على نعمي، وأنا ربّي هيفتحلي طريقي". أنتِ مش أقل، أنتِ مختلفة وليكِ مواهبك. ابدئي يومك بكتابة ٣ حاجات حلوة فيكِ (حتى لو صغيرة زي "فهمت المنهج كويس"). التنفيذ مش كلام : أنتِ بتخططي كويس، بس السر في "الخطوة الأولى الصغيرة". حددي هدف يومي واحد بس (زي "أدرس ساعة النهاردة")، ونفّذيه قبل ما تفكّري كتير. مع الوقت، هيبقى عادة. النوم والإرهاق : حدّدي نوم ٧-٨ ساعات، صحّي بدري، وكلّي وجبات خفيفة مغذية (فواكه، مكسرات). اشربي مية كتير، وامشي ١٠ دقايق يوميًا عشان الدم يتحرّك. أنتِ مش مستهترة، ده إرهاق نفسي مؤقت، والله قال "إِن الله مع الصابرين" بس الصبر ده يبدأ بخطوة. جرّبي الخطة دي النهاردة، وهتحسي فرق. لو عايزة دعم أكتر، ابحثي في فدني عن "فقدان الثقة بالنفس" أو "تركيز في الدراسة"، هتلاقي إجابات كتير تساعدك. ولو محتاجة استشارة متخصص، روحي صفحة الخبراء هنا: https://www.fedni.net/experts – فيه مدربين حياة ونفسيين هيساعدوكِ. أنتِ قوية يا بنتي، وربنا معاكِ. ابعتيلي بعد الامتحانات إيه اللي حصل، أنا منتظرة! 💪❤️
تم النشر الجمعة، ١٥ مايو ٢٠٢٦
هقولك على حاجة بناء على تجربتي لأن تقريبا انا نفس الشخصية كدا وهي لا تسعي وراء هوس الكمال بتبقي عاوزة تعملي حاجات ياما بطريقة كاملة نفسك تبقي بيرفيكتو في كل حاجة وتبدأي بقا تخططي لكدا وتحطي خطة ولا في الاحلام فبتبدأي تفقدي جزء من الحماس وتحسي أن انتي عملتي حاجة ثانيا دا غلط ملا لايترك كله لا يدرك كله اعملي بقول النبي صلى الله عليه وسلم خير العمل أدومه ولو كان قليل حاجة واحدة بس في يومك بشكل صحيح ولو كانت صغيرة احسن من مائة حاجة غير مكتملة
تم النشر السبت، ١٦ مايو ٢٠٢٦
اقولك على حاجة سيدنا عمر بن الخطاب رضي الله عنه حفظ سورة البقرة في تسع سنين هل هو كدا لو حد في زماننا حفظها في اسبوع احسن منه مستحيل انتي متستعجليش ومتضغطيش نفسك مشكلتك مش كبيرة دي حاجة عادية جدا انا كدا برضو لحد الان بس استغلي عدم رضاكي بنفسك دا أن انتي تجيبي اخرك وتعملي روتين كدا لنفسك ونظمي دنيتك واستعيني بالله وانتي زي ما بتقولي علاقتك بربنا كويسة مالك يتصرف في املاكه حكيم لا يفعل شيئا عبثا فالأرض أرضه و نحن عباده فليفعل بنا ما يشاء إنا إن شاء الله صابرون إني عبد الله ولن يضيعني
تم النشر السبت، ١٦ مايو ٢٠٢٦
جايز معاكم حق وانا اللي مكبرة الموضوع اوي علشان متوترة وخايفة من كل اللي جاي، هاسيبها ماشية زي ما ماشية وهحاول اصلح على قد ما اقدر وخلاص. ومتشكرة لإهتمامكم. 🤍
تم النشر السبت، ١٦ مايو ٢٠٢٦
وحاولي تواظبي على الأذكار انا بقولك كدا بالرغم اني حاليا مش مواظب شخصيا ولكن في الفترة اللي ببقا مواظب فيها ع اذكاري بحس فعلا أن معايا ربنا لان انا مغفلتش عنه في يومي فهو اكيد هيعيني وهيذكرني برضو
تم النشر السبت، ١٦ مايو ٢٠٢٦
طيب ونتى بتصلى أدعى دعاء الرسول صلى الله عليه وسلم : اللهم إنا نعوذ بك من الهم والحزن ونعوذ بك من العجز والكسل ونعوذ بك من الجبن والبخل ونعوذ بك من غلبة الدين وقهر الرجال ، إن شاء الله هيغير حياتك
تم النشر السبت، ١٦ مايو ٢٠٢٦
للأسف نفس الحالة والكل يقول بعيدة عن ربنا رغم اني بحاول ع قد م اقدر اعمل اللي عليا تجاه ديني
تم النشر الأحد، ١٧ مايو ٢٠٢٦
كلام حضرتك يطمئن، أشكرك، وخيراً بإذن الله. 🤍
تم النشر السبت، ١٦ مايو ٢٠٢٦
يستي ولا رغي ولا حاجة أنا أخوكي الكبير عادي بس انتي اللي بتضغطي نفسك وعمالة تحسبي لبكرة وداخلة تالتة ثانوي بالحال دا لا لا متحطيش نفسك في ضغط عيشي اليوم بيومو الماضي عدى وبكرة دا مش بتاعنا احنا مسؤولين باللحظة الحالية ومهما قولت ومهما عدت انتي محور تغير نفسك من غير كلام ياما عشان مش بحب الشغل بتاع التنمية البشرية دا 😁
تم النشر السبت، ١٦ مايو ٢٠٢٦
مقولتلكيش أقعدي خالص بس عادي اسعي بس براحة على نفسك فترة تقومي و فترة تقعي و أديها ماشية محدش حياته مثالية يعني و ربنا يوفق
تم النشر السبت، ١٦ مايو ٢٠٢٦
و بعدين إنتِ لسة بنوتة صغيرة ١٦ سنة حد قالك قومي اشتغلي و حققي اللي مبيتحققش ليه بتحرقي ف نفسك متستمتعي بحياتك و لحظاتك بأقرب الناس ليكي دلوقت
تم النشر السبت، ١٦ مايو ٢٠٢٦
انتِ من كلامك إنك ما شاء الله بتدوري على نفسك و تطوري نفسك في الدين و العلم و كدا و دا كويس أوي أكيد مش هتفضلي طول عمرك بتسعي و تشتغلي و بس يعني شوية تقومي و شوية تقعي ممكن تكوني مكبرة الموضوع بس شوية حاولي تخرجي من دايرة أفكارك و تشوف الموضوع من بعيد هل إنتِ فعلا غلط دلوقت
تم النشر السبت، ١٦ مايو ٢٠٢٦
متأسفة على الرغي الكتير.
تم النشر السبت، ١٦ مايو ٢٠٢٦
انا فاهمة قصد حضرتك كويس جداً يمكن دة سبب اه لإني قرات دة في كتاب قبل كدة، وفعلاّ انا لاحظت لما رجعت لشاتات قديمة ليا لما باجي اشتكي لصاحبتي بلاقي حاجة واحدة مشتركة في كل الشكاوي وهي اني بذكر كل حاجة مع بعض، مصلا لما باجي اشتكيلها من حاجة معينة بلاقي نفسي قولتلها على صلاتي، اهلي، اصحابي، دراستي، واللي عايزاه، واللي بيحصل، كله مع بعض، وعارفة اني مهمى سعيت للكمال عمري ما هقدر ادركه، بس للأسف مع علمي لكل دة بردو بلاقي نفسي عايزة اعمل حاجات كتير جداً، يمكن دة سبب تشتتي اني مش عارفة الاقي نفسي في ولا حتة بسبب اني عايزة اعرف حاجات كتير واحقق كتير في مجالات ملهاش علاقة في بعض، ودايما حاسة اني (متأخرة للعلم انا عندي 16 سنة)، جماعة انا بصلي وبدعي وكتير من الاوقات بقول الاذكار والحمدلله علاقتي بربي بتتطور وبدخل في دوارات دينية وبتعلم ومش سايبة نفسي، مع ذلك حاسة ان فيه حاجة غلط بتحصل معايا، مبقتش عايزة حد يقولي اعملي كذا وكذا من كتر منا متوقعة الاجابات او من كتر مازهقت (زهقت مني انا من شكوتي الكتير لكل الناس بقت اكتر حد شكاي وانا كنت بكره اللي بيشكي متخيلين!)
تم النشر السبت، ١٦ مايو ٢٠٢٦
الحمدلله اه، مع اني بيجي عليا اوقات مش قادرة اتحرك من ع السرير، ومش هقول اني منتظمة بشكل كفاية، بس دي اكتر حاجة بحاول انها متبوظش.
تم النشر السبت، ١٦ مايو ٢٠٢٦
انتى بتصلى ؟
تم النشر السبت، ١٦ مايو ٢٠٢٦
لعرض السؤال في فدني اضغط هنا