كنت باخد درس مع مدرس سمعت انه شاطر و كنت بروح احضر طول السنه معاه و لو احتاجت اسأل في حاجه كنت بسأل الاسيسنتس بتوعه علشان بيبقى زحمه حواليه و ناس كتير بتسأل و روحت مرة كده كنت بسأله على حاجه في المنهج و لما خلص شرح قولتله شكرا فراح غامزلي و كنت بلاحظ المدرس ده بيفضل يبصلي كتير طول الحصه و ابتسملي كذا مرة بس انا كنت ببص الناحيه التانيه و انا بصراحه كنت بحب حصته علشان بيقعد يهزر و بيوصل المعلومه حلو و يحفظنا و كان كل الي في الدرس بيحب حصته و جه في آخر السنه كان بيفضل يبتسملي كتير كل ما ابصله و روحت في الاخر علشان اسأله اسأله فقالي هاتي القلم و انا بديه القلم مسك ايدي انا دلوقتي في تالته جامعه و اختي هتاخد معاه السنه الجايه فالاحسن تاخد معاه و له لا يعني انا لما بصراحه بفتكر المواقف دي بستغرب ليه كان بيعمل كده و بحس مش طبيعي مدرس يعمل كده بس في الفترة الي كنت باخد معاه درس فيها كنت شايفه عادي
تصرفاته غلط ومش مريحه نهائيا حتى لو مدرس شاطر اصل الي خلقه خلق غيرة فهتلاقي اكيد بس تدور كويس ومهم انه يكون شخص محترم ويعرف ربنا ويتقي الله في الناس الي مأمنه ليه وباعته عيالها تاخد درس عندة والله ما انا عارفه ايه حوار المدرسين دا يعني لسه سامعه قريب عن مدرس كل شويه يسأل عن بنت معينه وبيراقبها ويقابلها يقولها علفكرة انا شوفتك امبارح كنتي بتعملي ايه هناك لا والله وهي تقولك ليه وبتاع ايه انت مين اصلا والبنت يعيني مرعوبه منه ربنا يسترها معاها ومع ولايانا اجميعن
تم النشر الخميس، ١٩ يونيو ٢٠٢٥
اولا لا ده مدرس مش عادي نهائيا وكويس انك خلصتي ومشيتي من عنده ثانيا ممكن يكون بيعمل كده معاكي بس لانه مثلا حبك ولا حاجه لان على حسب كلامك كان بيعاملط بطريقه مختلفه عن بقيه الدفعه وكده وبتفكري تودي اختك هناك... هو انا منصحش الصراحه لانه ممكن يأذيها اتمنى اكون فدتك بحاجه 😁✌🏻
تم النشر الجمعة، ٢٠ يونيو ٢٠٢٥
مدرس مريض طبعا مش طبيعي اللي كان بيحصل ده وغلطك انك سكتي مقولتيش لاهلك ولا حتى مشيتي من الدرس بس الحمدلله ان ربنا عداها على خير واكيد طبعا بلاش اختك تاخد عنده ربنا يسترها عليكم يارب ويفضحه لانه حقيقي اي مدرس بيتصرف كده مع طالبة عنده فاكيد مريض ومش سوي نفسيا
تم النشر الخميس، ١٩ يونيو ٢٠٢٥
السلام عليكم، إذا مش مرتاحة فممكن تقترحي عليها لو فيه مدرس أفضل أو إذا مفيش بديل ممكن تقولي لها اللي كان بيحصل منه وتخليها تاخد حذرها وتضع حدود في التعامل معه. جايز تصرفاته منفتحة بما إنه بيهزر معكم في الدرس على طول فساعات فيه مدرسين كده بتشيل الحدود وبتبالغ في التعامل والهزار مع الطلبة حتى لو بنات وجايز تكون تصرفاته معك كانت متعمدة الاحتمالين موجودين فنبهي على أختك عامة حتى لو المدرس (أي مدرس تروح عنده) طبيعته منفتحة ومش بيضع حدود بينه وبين الطلبة هي اللي تكون حازمة وتضع حدود محدش يتعداها معها ويكون كل تركيزها على المعلومة اللي بتاخدها وبس. بالتوفيق لك ولها.
تم النشر الخميس، ١٩ يونيو ٢٠٢٥
لا طبعا!
تم النشر الخميس، ١٩ يونيو ٢٠٢٥
لا طبعا متروحش.. غيره او كفايه شره ... موضوعك انتى عدى على خير الله أعلم بقى ف إللى جاى محدش ضامن
تم النشر السبت، ٢١ يونيو ٢٠٢٥
الاحسن ان الشخص ده متقربوش لي
تم النشر السبت، ٢١ يونيو ٢٠٢٥
أكيد لا تروحي لا انتي ولا اختك عنده ده شخص مش كويس ومش بيتقي ربنا في شغله، نسأل الله العفو والعافية
تم النشر الجمعة، ٢٠ يونيو ٢٠٢٥
الاحسن والافضل انك متروحيش عنده تاني للانه مش محترم ولا بيتقي ربنا حتي لو اسلوبه حلو وشيق شوفي غيره وانتي حره
تم النشر الجمعة، ٢٠ يونيو ٢٠٢٥
لعرض السؤال في فدني اضغط هنا