هل ممكن ان الواحد يحب شخص عمره م شافه؟
هل ممكن يتعلق بشخص من مجرد انهم بيتكلمو علي طول؟
طب هل ممكن يكملو وهما بُعاد عن بعض كدا؟
انا بتكلم عن حب السوشال ميديا انتمي الاقي معلومات عنه لاني للاسف وقعت ف حب شخص سوشال
رأي الشخصي هل ممكن ان الواحد يحب شخص عمره م شافه؟ بيتعود فقط على مجرد شخص، ولكن مش حب، فيه ناس بترجم التعود على أنه حب، ولكن الموضوع مش بيبقى غير مجرد تعود، او تعلق بالكلام فقط. هل ممكن يتعلق بشخص من مجرد انهم بيتكلمو علي طول؟ اه طبعا ممكن، والتعلق ده بيبقى ناتج عن حاجات معينه في الشخص ده، يعني لو انتي محتاجه الشئ اللي بيقدمه اللي قدامك، ده بيبقى كفيل انك تتعلق بيه، وطبعا حاجات تانية، زي الاهتمام، والكلام المعسول، والمثير للمشاعر، ده كله بيؤدي لنفس النتائج التعود على الشخص، والتعلق باللي بيكون موجود. طب هل ممكن يكملو وهما بُعاد عن بعض كدا؟ يكملوا على اساس ايه؟ وجهة نظري ان اي علاقة على السوشيال ميديا لو منتقلتش للواقع يبقى ملهاش لازمة. اصل انتي عارفه الشخص اللي قدامك ده وانتي بعيدة عنه؟ انيت متعرفيش حاجه عنه؟ او متعرفش حاجه عنها .. انت بتتعامل مع شاشة .. مجرد شاشة مش اكتر، كلام بيتقال .. بس هل الكلام ده الصح؟ هل الحقيقة؟ طيب هل ديه كل حاجه .. لازم العلاقة تاخد طبعا شكل رسمي، وتنتقل بسرعة كمان للواقع.
تم النشر الأحد، ٢٤ ديسمبر ٢٠٢٣
لعرض السؤال في فدني اضغط هنا