انا كنت متعوده على عمتي اوي فكنت من فتره بحكي عن والدي وكده معاها بس كنت بتكلم بطريقه وحشه الحقيقه أنا عارفه إني غلطانه وفعلا عرفت غلطي ومبقتش أعمل كده والله وحتى حسنت علاقتي بيه بس عندي إحساس بالذنب وكمان عمتي لما بتشوفني أوقات ونتكلم بتجيب السيره وتقولي كلامك كان قاسي اوي وكده وده قفلني منها بصرآحه
أنا دلوقتي عندي إحساس بالذنب كل ما أفتكر وانا والله مبقتش أتكلم تاني دي كانت أول واخر مره وفعلا عرفت اني كنت أوفر وكنت شايفه الموضوع بطريقه سلبيه أوي حاليا صححت نظرتي بس مازلت حاسه بذنب والمشكله لما والدي بيعمل ليا حاجه مثلا وهي موجوده بتبصلي كده
أنا فعلا اتعلمت من الغلطه دي وإن مينفعش اسرار البيت تطلع برا بس عندي حاليا خنقه من عمتي واحساس رهيب بالذنب أعمل إيه
بصي يا قمر أول حاجة لازم تعرفيها إن إحساسك بالذنب ده دليل على إنك إنسانة نضيفة من جواكي وضميرك صاحي وده لوحده حاجة كبيرة جدًا لأن كلنا بنغلط بس مش كل الناس بتعترف بغلطها وتتعلم منه زيك وده أهم حاجة فعلًا انت انتي عرفتي إن اللي عملتيه مكانش صح وتغيرتي وحسّنتي علاقتك بوالدك ومبقتيش تكرري نفس الغلطة… يبقى خلاص كفاية جلد ذات بقى بجد بالنسبة لعمّتك، يمكن بتحاول تذكّرك أو "تفكرك" علشان تحسسك بالغلط بس في الآخر مش من حقها تفضل تعيد وتزيد في حاجة خلصت خصوصًا لو أسلوبها بيضايقك انتي عملتي اللي عليكي ولو هي مش قادرة تشوف التغيير اللي حصل فيكي فده مش ذنبك بقي و خليكي فاكرا دايمًا: ان ربنا بيحب التايبين مش المعصومين وانتي توبتي بقلبك وبفعلك… وربنا شايف ده وده أهم من نظرة أي حد تاني. ولو جابت الموضوع تاني، ممكن تقفلي معاها الموضوع باحترام أو تغيري الموضوع
تم النشر الجمعة، ١٨ يوليو ٢٠٢٥
السلام عليكم ورحمه الله وبركاته اقول لك على يعني طريقه لطيفه جدا يعني اولا مش محتاجه تبقي مخنوقه من عمته لانه حقها ان هي تبقى متضايقه على ان في يعني كلام يتقال بطريقه مش لطيفه على اخوها حتى لو انت قريبه منها وادعموما درس انت يعني تتعلمي انه مهما كان الشخص الكبير ده قريب منك لازم تراعي نقاط كتير جدا وانت تفضفضي معايا او بتاخدي رايي او بتحكي له عن اللي انت حاسه بيه ده مهم جدا. ثلاث اربع خمس مرات خلاص كل مره تيجي تقول فيها كده هنقول كده وبعد كده بعد المره الخامسه بقى نيجي في المره السادسه والله ايه شكرا جدا يا عمتو انا قلت لك ان انا عرفت تكرارك في انك تفكريني عرفني قد ايه ااا انا ما كانش ينفع ان حتى لو انا بفضفض معاكي وانت قريبه مني ان انا كلم براحتي للدرجه دي فاا صدقيني ده مش هيتكرر مره تانيه وتقفلي الكلام معاه على كده وعمته هتستوعب قد ايه هي ما كانش المفروض ان هي تتقل عليكي بانها كل شويه تفكري بالخطا بالشكل ده وطبعا زودي بقى من انك تبقي بتتعمدي تتكلمي حلو على بابا في وجود عمته بالذات علشان يبدا الموضوع يتوازن وكده كده الموضوع هياخذ وقت وهي وقت ان شاء الله.
تم النشر الجمعة، ١٨ يوليو ٢٠٢٥
ممكن تختاري وقت هادئ وتكلميها فيه وتقولي لها إنك راجعتِ نفسك والموقف اللي حكيتِه عن والدك وشفتِ إنك ظلمتِه أو اكتشفتِ إنه مكنش بالطريقة اللي كنتِ شايفاها وقتها وعرفيها إنك لما كلمتيها فعشان حبيتِ تفتحي لها قلبك ووثقتِ في إنها ممكن تنصحك أو تخفف عنك وقتها وإنك مش حابة إنها تفضل تفكرك بالموضوع ده كل شوية. لو فضلت مصرة على نفس تصرفها فتجاهليها وكبري، خلاص وأهو درس واتعلمتِه إن مش كل الناس ينفع نفضفض لها ومش أي حاجة تنفع تتقال. وعادي كتير مننا إن مكنش كلنا ممكن نقع في الغلط ده ونفضفض لناس ونندم بعد كده فمتقفيش عند النقطة دي ومتفضليش حاسة بالذنب، أي غلط نقع فيه أو درس نمر به فناخد العبرة ونقفل الصفحة على كده.
تم النشر الأربعاء، ١٦ يوليو ٢٠٢٥
قولي لها لو الموضوع اتفتح تاني ان كنت صغيرة او مش ناضجه ومكنتش فاهمه حاجه انا دلوقت علاقتي كويسه مع بابا وبتمنى انها تفضل كويسة وبحبه وبيني قدامها انك بتحبيه فعلاً ، يعني من بين كل الناس راحه تحكي مع عمتك اللي هي اخت ابوكي
تم النشر الأربعاء، ١٦ يوليو ٢٠٢٥
أهلاً بكِ يا عزيزتي، معاكِ ذكية، سعيده إنكِ شاركتيني مشاعرك وأقدر جداً الجرأة والوعي اللي عندكِ في اعتراف الغلط ومحاولتكِ تصحيح الأمور. الشعور بالذنب بعد الخطأ طبيعي جداً، خاصة إذا كان الموضوع متعلق بعائلتكِ والأشخاص اللي بتحبيهم. خليني أساعدك خطوة بخطوة: الاعتراف بالذنب هو بداية الصح أنتِ بالفعل أدركتِ الخطأ وقلتِ لنفسكِ "مش هكرر ده تاني" وهذا أمر إيجابي جداً. الطريق الصحيح يبدأ بالصدق مع النفس. التوبة الصادقة والنية الطيبة في الإسلام، التوبة هي مفتاح الصفح، طالما ندمتِ وقررتِ أن تَصححي المسار، فالله غفور رحيم. يمكنكِ أن تُصلي لله تعالى تستعينِ به وتطلبي منه العون على تحسين علاقتكِ بوالدكِ وبعمّتكِ. تعاملي مع عمّتكِ برفق وهدوء أحياناً أهلنا يصروا يتذكّرونا بأخطاءنا بشكل مباشر أو غير مباشر، وهذا ممكن يكون مؤلم. يمكنكِ أن تشرحي لها بهدوء إنكِ تغيّرتِ ونفسيّتكِ مرتاحة لما تكون العلاقة كلها حب وتفاهم. إذا شكرتِها وتقبلتِ كلامها، حتكون فرصة لتحسين العلاقة. لا تحملي نفسك أكثر مما تحتملين الشعور بالذنب المزمن ممكن يؤثر على راحتكِ النفسية، فبدلاً ما تثبتي في مكان الألم والجراح، ركزي على التطوير والتحسين. كلنا بنغلط والطريق ما بيخلصش. ابحثي عن دعم نفسي لو استمر الإحساس بالذنب وكأني مكبلكِ، نصيحتي إنكِ تتواصلي مع أحد الخبراء النفسيين أو مستشاري العلاقات اللي ممكن يساعدوكِ في التعامل مع هذه المشاعر بطريقة صحية. يمكنكِ زيارة صفحة الخبراء في فدني https://www.fedni.net/experts لاختيار اختصاصي يناسب حالتك. نصائح يومية لتخفيف الشعور بالذنب : ذكري نفسكِ دائماً بأن الإنسان خاطئ بطبعه وأن الله يحب التوابين. سجلي في مفكرة صغيرة الأشياء الإيجابية اللي عملتيها كل يوم. اجعلي علاقتك بوالدك وأفراد عائلتك قائمة على الصدق والتفاهم والاحترام. أخيراً، عزيزتي، تذكري: أنتِ إنسانة متطورة وقادرة على التغيير للأفضل، وذنب الماضي ما هو إلا خطوة في طريقكِ للنمو. لا تسمحي له يعيق سعادتك. لو حابة تتكلمي أكثر أو تحتاجي دعم، أنا معاكِ هنا دائماً، ولا تترددي تفتحي موضوع تاني أو تبحثي عن تجارب ناس تانية في فدني، ممكن تلاقيي فيها حلول وجوانب جديدة تساعدك. ربنا يبارك فيكِ ويقويكِ، وأنا دايماً معاكِ يا ذكية! 💛
تم النشر الثلاثاء، ١٥ يوليو ٢٠٢٥
ابتديت أقرب منه فعلا وبحاول أتجاهل عمتي وببعد أي كلام عن الموضوع ده تآني
تم النشر الخميس، ١٧ يوليو ٢٠٢٥
هي فكره تحفه بس حاسه انها ممكن تكون غريبه بنسبه ليه شويه؟ عشان هو ميعرفش بالموضوع ده وكده ف ممكن يقولي إيه المناسبه، شكرا لتذكير بالصلاه ربنا يجعله في ميزان حسناتك يارب
تم النشر الجمعة، ١٨ يوليو ٢٠٢٥
كملى على كده🥰🥰
تم النشر الخميس، ١٧ يوليو ٢٠٢٥
قبل كده حاولت اعمل ده ف رجعت قالت اني ظلمته واني كنت بتكلم بطريقه وحشه
تم النشر الأربعاء، ١٦ يوليو ٢٠٢٥
علاقتنا كويسه آه بس لا مستحيل أعمل كده هي عمتي مش بتكلم يعني وكده مشكلتي ف إحساسي بالذنب واني مبقتش متقبله عمتي بصرآحه ف انا متشكره جدا إنك حاولتي تشوفي حل بس بصرآحه الحل ده مش ممكن اعمله ابدا
تم النشر الأربعاء، ١٦ يوليو ٢٠٢٥
طب أنا هقولك على فكرة حلوة تعمليها؟ تعالي في مرة وجيبي لبباكي هدية هو بيحبها، ومش شرط تبقى غالية أو تكون هدية معينة؛ لأن المقصود من الهدية ثلاثة مقاصد: - أولاً عشان متحسيش بالذنب تجاهه لأنه أصبح ذنب كبير في حياتك، ثابت في قلب ضميرك الحي، مع أننا كلنا بنغلط ودي طبيعة البشر، دائماً بيغلطوا. وثانياً: عشان بباكي هيحس بأنك بتعالجي غلطك، فيسامحك من قلبه بصدق. ثالثاً: عشان الهدية سبب في زرع المحبة، "تهادوا تحابوا". أما بقى بالنسبة لعمتك، فبلاش تتكلمي معاها تاني نهائي، ولا مع أي حد في الدنيا كلها، إلا لما تكوني عرفاه كويس جداً جداً جداً. (ونصيحة تحذيرية، أياكي تهملي في الصلاة لأنها الوحيدة المنجية من كل المهالك). -بالتوفيق بإذن الله-.
تم النشر الخميس، ١٧ يوليو ٢٠٢٥
بصى ... كانك معملتيش حاجه ... والله زى ما بقولك ... كتر التفكير فى الافكار السلبيه هتخليها تنجذب ليكى ... وده علم الطاقه .... كانك معملتيش حاجه وقربى من والدك اكتر ومتبصيش لعمتك تانى الا للضرورة واتعملى كان لم يكن
تم النشر الخميس، ١٧ يوليو ٢٠٢٥
عمتك شخص مش حكيم وعقلاني لانها بتفضل تفكر الشخص بخطأه ديما... لازم تتجاهلي كلامها وتفضلي تتعاملي حلو مع ابوكي قدامها وقدام اي حد...ده بينك وبين نفسك بردو اتعماملي معاه حلو... وجمدي قلبك واكسبي قلب بباكي لانه حتي لو عمتك قالتله ممكن ميصدقش ...وأكيد هو بيحبك انسي المشاكل واستغلي حياتك مع حبايبك❤️
تم النشر الأربعاء، ١٦ يوليو ٢٠٢٥
تفتكري ممكن يعمل فرق ؟
تم النشر الأربعاء، ١٦ يوليو ٢٠٢٥
اتكلمي حلو عن موقف عمله ابوكي قدام عمتكك... في وقت مناسب.
تم النشر الأربعاء، ١٦ يوليو ٢٠٢٥
كلمي باباكي في قعده روقان قوليله انا في يوم اتكلمت عليك وحش من غير قصد وسامحني ... هتهزرو ممكن او هو ينصحك ...بس لازم تكلميه وتعتزريله..ده طبعا لو علاقتكم حلوه ببعض وتقدري تتكلمي معاه زي صحبك
تم النشر الأربعاء، ١٦ يوليو ٢٠٢٥
لعرض السؤال في فدني اضغط هنا