بسم الله
مشكلتي ديما مع نفسي مش فاهمها ولا عارف انا عايز اي حيرة عايش فيها بجد تعب نفسي ارجع صغير بعد ما كنت ديما بقول امتى هكبر ساعات احس اني فاهم كل حاجة وفاهم كل اللي حولية الناس تحير كل شوي بوش وكل مره ابتسامة ومره تكشير مبقتش عارف أحب الناس ولا أكرهها
انا بحب الفلوس بس مش عارف هعمل بيها اية؟؟؟ نفسي في شريكة حياة في الوقت نفسه اللي بهرب في من اي محاولة حتى اني اقرب من حد او حتى ادي فرصة لوحده لأن عاوز علاقة جد ولا بحب الكدب انا مين وعايز اي دي حيرتي وانتهي
السلام عليكم ورحمه الله وبركاته. معرفه ازاي دي من المراحل الجميله جدا التمسك بيها تمثل بها لانها تكون مهمه وهتخلي قراراتك في الحياه مختلفه تماما. فما تفوتش الفرصه دي فانك تقوم على نفسك كثير تطلع كل حاجه انت بتفكر فيها على ورقه بره والحاجات اللي هتطلعها على الورقه دي هتكون عشوائيه هتكون مختلفه هتكون ملهاش علاقه ببعض هتكون مش واضحه لكن مع الوقت كل شويه هتوضح انك تقدر تصغر بطريقه وهنا بتبقى البدايه طريقه الصياغه يعني. اسال بقى نفسي ايه هي الصفات اللي انا اعرفها عن نفسي هي ايه الصفات اللي الناس بتقولها عني اييي ايه الحاجات اللي انا عارفها عن نفسي ان انا بحبها الحاجات اللي الناس تعرف عني ان انا بحبها وهكذا كل الكلام ده برضاه الله على ورق واحده واحده علينا ابدا ادخل في الحاجات اللي انا ما اعرفهاش الحاجات اللي انا ما اعرفهاش عن نفسي مثلا انا معرفش يعني انا فعلا شخص صادق ولا لا طب انا عايزه اتاكد انه صادق ولا لا ابدا احط نفسي في مواقف عشان اتاكد من الجزئيه دي في نفسي عشان اكون عارف نفسي كويس انا فعلا انسان صادق اللي انا بقول كده وخلاص لازم يكون في مواقف لكل حاجه هوصف بيها نفسي بتاكد الحاجه دي او بتنفيها. ابدا كده واحده واحده بالحاجات دي وبعد كده مرحله ثانيه علشان متلخبطش نفسك ما تحسش الدنيا دوشه.
تم النشر الاثنين، ١٩ يناير ٢٠٢٦
واحنا صغرين بنبقى عايزين نكبر علشان نحقق الحاجات اللي محرومين منها او ممنوعة علينا علشان صغيرين ولما نكبر بنلاقي ان بقى علينا مسئوليات والدنيا مش سهلة زي ما كنا معتقدين-بالنسبة للناس: الناس متقلبة مش ثابتة على حال يمكن يكون ليهم اسباب ويمكن لاء -ومش صح انك تكره حد لانك مش عايش لوحدك انت عايش وسط الناس دي ومجبر انك تتعامل معاهم وبلاش تشغل دماغك دايما بيهم لاء كبر دماغك طالما انت مش بتعمل حاجة غلط يبقى خلاص ميهمكش هما بيقولوا عليك ايه او بيفكروا فيك ازاي خليك مع ربنا وبس راضي ربك علشان يراضيك - بالنسبة للفلوس ممكن تحوشهم في البنك هينفعوك وقت ضيقة او في الجواز-بالنسبة للجواز فانت ممكن تكون خايف تشيل مسئولية -كل اللي انت فيه دا ممكن يكون ضغط عليك سواء من الشغل او العيلة بس خليك فاكر اننا في دار شقاء بنواجه شعوبات ومشاكل وبنمر بامتحانات كتير طبيعي بنتعب وطبيعي نتوه في النص - قرب من ربنا واقرأ القرآن وبتدبر لعل الله يريح قلبك
تم النشر الأحد، ١٨ يناير ٢٠٢٦
أهلا بك، أول حاجة: أنت مش لوحدك في الحيرة دي ، كتير بيمر بمرحلة "أزمة الهوية" دي، خاصة لما بنكبر ونلاقي الدنيا مش زي ما تخيلناها. ده شعور طبيعي، بس هتقدر تخرج منه بقوة إن شاء الله. خلينا نرتب الأفكار سوا خطوة خطوة، عشان تعرف "أنت مين وعايز إيه". 1. فهم نفسك أولًا : اكتب يومياتك يوميًا : خد دفتر صغير، واكتب 3 حاجات: "إيه اللي خلاني سعيد النهارده؟ إيه اللي زعلني؟ أنا عايز أحقق إيه الشهر ده؟" هتكتشف أنماط في شخصيتك خلال أسبوعين. (ده أقوى من اللي بتقوله "متى هكبر؟"، هتكبر وأنت بتكتب!). صلِّ واستعن بالله : اقرأ سورة الشرح يوميًا، وادعي ربنا واستخيره في كل قرار كبير الاستخارة هتوضح لك الطريق. 2. الناس حواليك : متبصش على "وشهم"، بص على أفعالهم. حد بيبتسم ويتصرف كويس؟ خليك قريب. التاني بيكشّر؟ا بعد عنه. أنت مش ملزم تحبهم كلهم، بس عامل الجميع معاملة إسلامية محترمة. مع الوقت، هتعرف مين يستاهل حبك. 3. الفلوس : حلو إنك بتحبها، بس حدد هدف: "هعمل بيها إيه؟" مثلاً: استثمر في تعليمك (كورس أونلاين في مجالك)، أو ابدأ مشروع صغير زي بيع أونلاين، أو وزّع جزء في صدقة عشان البركة. ابدأ بـ"صندوق طوارئ" = 3 شهور مصروف، هيخليك مطمئن. 4. شريكة الحياة : عايز علاقة جد؟ ممتاز، ده الطريق الإسلامي الصح . متهربش، بس ابدأ صح: قول لأهلك أو أصحابك الموثوقين (مش أي حد) إنك جاهز للزواج، ودور في Fedni على خبراء استشارات زواج أو صفحات الخبراء https://www.fedni.net/experts. هناك ناس متخصصين هيساعدوك. خطة عمل سريعة النهاردة : اكتب 3 أهداف صغيرة للأسبوع (واحدة لنفسك، واحدة لفلوسك، واحدة للعلاقات). صلِّ ركعتين شكر، وادعي بالوضوح. دور في Fedni على أسئلة مشابهة عن "أزمة هوية" أو "الزواج"، هتلاقي إجابات كتيرة مفيدة. أنت قوي، والحيرة دي باب للنمو. هتخرج أحسن، صدقني.
تم النشر السبت، ١٧ يناير ٢٠٢٦
لعرض السؤال في فدني اضغط هنا