السلام عليكم...
انا طالبه ف اولى ثانوي وعندي بنت عمي ف تالته اعدادي بس احنا قريبين شويه والعيله كلها واخده عنها فكرة انها هاديه ومحترمه وان انا الي دماغي مش حلوه معأن الكلام دا كلو محصلش وانا لو عملت حاجه بروح وبحكي اذا كان لعمي الي قريب مني او لابن عمي او لبابا وبنت عمي دي بتكلم ولاد كتير جدا وشربت سجاير بتاع تلت اربع مرات وانا بعرف وبسكت لاني لو قولت هي برضو ممكن تقول اي حاجه عليا بس هي غلطاطها كتير جدا وكلهم بيقارنوني بيها وبيقعدو يقولولي بصي بنت عمك شاطره ازاي بصي بنت عمك هاديه ومش بتعمل حاجه غلط وعندها شخصيه عنك وحقيقي انا ببقا مدايقه لاني عندي شخصيتي وحباها وعجباني والكلام دا كلو بيتقالي من ماما الي هو بنت عمك اشطر واهدى والكلام الي كلو بيبعدني عن ماما دا انا حاليا ف اجازه فمحتاجه حد يقترح عليا حاجه اعملها ف الاجازه استفاد منها واوريهم اني شاطره وانهم ميقارنونيش بيها تاني وانا اساسا نفسيتي بتتعب بسرعه وانا مش قريبه من ماما خالص واتمنى يكون حد فهمني
وعليكم السلام يا قمر 🌸 أول حاجة، أنا فاهمة إحساسك تمامًا، والمقارنات دي بتتعب النفسية فعلاً، خاصة لما تكوني شايفة الحقيقة ومش قادرة تتكلمي. خلينا نركز دلوقتي على إجازتك: عايزة حاجة تستفيدي بيها وتثبتي لنفسك الأول إنك شاطرة. اقتراحات عملية: خدي كورس أونلاين قصير في حاجة بتحبيها (لغة إنجليزي، تصميم، أو حتى مهارات حياتية زي الطبخ أو الخياطة). ابدئي تحفظي جزء من القرآن أو تتعلمي حاجة في الدين، ده هيديكي راحة نفسية وهيبان على شخصيتك. ساعدي في البيت بطريقة ذكية ومنظمة (مثلاً رتبي حاجة أو اعملي جدول للأعمال)، ده هيخلي مامتك تلاحظ الفرق بدون ما تقولي كلام. اقرئي كتاب أو اثنين في مجال يهمك، وشاركي اللي اتعلمته مع العيلة لو حابة. ركزي على تطوير نفسك عشانك أنتِ، مش عشان تقنعيهم. لو نفسيتك بتتعب بسرعة، جربي تكتبي يومياتك عشان تفرغي. لو عايزة نصايح أكتر أو حد متخصص يساعدك، شوفي صفحة الخبراء على Fedni: https://www.fedni.net/experts وابحثي عن أسئلة مشابهة في التطبيق عشان تلاقي تجارب بنات زيك. أنتِ أقوى مما تتخيلي، وهتعدي الفترة دي بإذن الله 💪
تم النشر الثلاثاء، ٩ يونيو ٢٠٢٦
طيب انتي عندك مهاره او موهوبه ف حاجه معينه؟يعني مثلا لو حتي موهوبه ف الطبخ ع الاقل ف تهتمي بيه و تتعلمي اكلات جديده و مثلا عندك مهاره كروشيه مثلا ف تطوريها و تعملي حاجات حلوه و ابداعيه و كدا و الهاند ميد يعني و امثله من كدا كتير..كمان ممكن تقري كتب و تثقفي نفسك اكتر و مش عارفه اذا هيلاحظو منك دا ولا لا زي م انتي حابه بس ثقافتك هتبقي باينه من كلامك فهماني؟
تم النشر الثلاثاء، ٩ يونيو ٢٠٢٦
احفظي قرآن
تم النشر الثلاثاء، ٩ يونيو ٢٠٢٦
مانا مش عارفه ابداء من منين وانا دماغي حلوه جدا كمان وبستوعب اي حاجه بسهوله بس مش عارفه ابداء ف اي او منين
تم النشر الثلاثاء، ٩ يونيو ٢٠٢٦
لو عايزة تتعلمى حاجة فى الأجازة يبقى علشان نفسك مش علشان توريهم كبرى دماغك من مقارناتهم حاولى تسمعى وتطنشى وتركزى مع نفسك وسيبى الأيام تثبت وأكبر دليل هيكون محطة تالتة ثانوى حطيها هدف قدامك وابدأى اتعلمى اى حاجة هتفيدك وتزودك استعدادا ليها زى مثلا ابدأى حسنى من الإنجليزى .. اما بقى بالنسبة للأخلاق وكدا ف دية حاجة تعرفك انك كويسة اووى واحسن منها مليون مره وافتكرى انك بتعملى ل ربنا عز وجل مش للناس وان مسيرنا فى يوم هنقف قدامة واللى كان كويس قدام الناس وبيعمل حاجات فى السر هيتفضح قدامهم برضة .. ركزى على نفسك انتى وطورى منها ومتركزيش فى كلامهم ولا تركزى فى أخلاقها وهى بتعمل ايه وحاولى تنصحيها ما بينك وبينها
تم النشر الثلاثاء، ٩ يونيو ٢٠٢٦
حافظه اجزاء كتير من القراءن وباخد درس قراءن اصلا وبعرف اطبخ..ولكن موضوع اني اقراء كتب انا فعلا كنت بقراء مع بنت عمي دي كانت بتجيب الروايات وكنت بدفع انا وهي بس الروايات كانت بتبقا عندها وانا كنت باخد بقراء وبرجعلها لان مكنش في دماغي حاجه بس ماما قعدت تزعقلي وتقول معنديش شخصيه والكلام دا وانا قررت اني مش هقراء تاني ومش هعمل حاجه زيها وهبعدها عن حياتي اصلا لانهم شايفين انها احسن مني فحاجات كتير ف انا هبعدها خالص
تم النشر الثلاثاء، ٩ يونيو ٢٠٢٦
احفظي قرآن، واتعلمي الطبخ
تم النشر الثلاثاء، ٩ يونيو ٢٠٢٦
وبعد كدا؟ انا اصلا مدرسه لغات ف شاطره ف الانجليزي يعني انا عاوزه ابداء بحاجه حتى اهلي يحسو بفرق فيا
تم النشر الثلاثاء، ٩ يونيو ٢٠٢٦
شوفى كورس كويس ابدأى بية مثلا على اليوتيوب
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا