السلام عليكم ورحمه الله وبركاته
أنا امرأة متزوجة والحمد لله لدى ابنة صغيرة
كنت بتعرض للتحرش وايذاء النفس وأنا صغيرة ومن اقرب وحدة ليا بمعنى اصح (اختى ) وفضلت فترة معاها وكنت بحس بخوف ورهاب جماعى اخاف تتكلم أو اقعد مع حد وكنت بخاف أكلم ماما لأنها كانت بتهددنى بالموت فخفت وسكت واحد يومى هذا اتكلمت بس بعد فوات الاوان
وعلمتنى أسوأ الأفعال وبكره نفسى كل ما أفتكر او يحصل منى حاجة غصب عنى تانى كده فأنا تعبت نفسيتى وحاسة أن فى اكتئاب دائم معايا وبعيدة عن كل الحياة حتى التقرب لربنا بعيدة ونفسى اقرب خايفة إيه السبب أو الحل عشان ارتاح
و عليكم السلام و رحمة اللّٰه و بركاته خليكي عارفة إن حزنك على ما مضى مش هيغير حاجة بل هيأثر عليكي بشكل سيء جداً و هيأثر على حياتك في حكمة بتقول "لو عشت في الماضي الذي مضى ستفقد الحاضر الذي بقي!" لذلك يستحسن إنك تركزي في مستقبلك و إن ربنا رزقك ما شاء الله إبنه جميلة و زوج صالح تقضي معاهم أيام سرور و فرح تعويضاً على ما مضى أنا كدا بقنعك بالحقيقة إنك مش هتغيري الماضي بحزنك طب إيه الخطوات اللي تاخديها و هتأثر في حياتك حتى لو كثرت الإبتلاءات هتبقي راضيه و أقدر اضمنلك ده بنسبة ١٠٠٪ هي القُرب من الله عز و جل .. متسأليش ليه حزينه و ليه زعلانة و أنتِ بعيدة عن الملك! ربنا بيقول « وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا » ف تيقني إن اللي أنتِ فيه ده سببه مش اللي حصل في الماضي بل سببه إنك بعيده عن الله عز و جل ،، خايفة تقربي من اللّٰه؟ الرحيم الغفور؟ الذي قال : يا ابنَ آدمَ ! إِنَّكَ ما دَعَوْتَنِي ورَجَوْتَنِي غَفَرْتُ لكَ على ما كان فيكَ ولا أُبالِي يا ابنَ آدمَ ! لَوْ بَلَغَتْ ذُنُوبُكَ عَنانَ السَّماءِ ثُمَّ اسْتَغْفَرْتَنِي غَفَرْتُ لكَ ولا أُبالِي ، يا ابنَ آدمَ ! لَوْ أَتَيْتَنِي بِقُرَابِ الأرضِ خطَايا ثُمَّ لَقِيْتَني لاتُشْرِكْ بِيْ شَيْئًَا لأتيْتُكَ بِقِرَابِها مَغْفِرَةً عايزاكي تستشعري معنى الحديث ده و أعتبري إن ربنا بعتني ليكي عشان تاخدي خطوة حقيقة دلوقتي مش بعدين ولا بكرا ، صلي ركعتين توبة هتحسي فيهم إنك روحك رجعتلك ، و اللّٰه مفيش أحسن من القرب من الله عز و جل نعمة متحرميش نفسك منها عشان ماضي أنتهى ، و متأجليش توبة أفتكري إن يمكن دي أخر ساعة لكي في الدُنيا ،، خدي خطوة تجاه صلاة و مواظبة عليها في أوقاتها و تجاه القرآن و تعلم من هو اللّٰه كل حاجه هتبقا تقيلة في البداية لإن الشيطان مش عايزك تفوقي مش عايزلك الخير ولا عايز حياتك تتحسن ،إيــاك و الإستسلام جاهدي للقُرب من الله و هتلاقي مفيش أسهل من الفرائض و العبادات على قلبك«وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ» ربنا لو شايفك فعلاً بتجاهدي و نفسك تقربي منه هيعينك على الطاعات بشكل لا تتصوريه قال الله تعالى :أنا عند ظن عبدي بي، وأنا معه حين يذكرني، فإن ذكرني في نفسه؛ ذكرته في نفسي، وإن ذكرني في ملإ؛ ذكرته في ملإ خير منه، و إن تقرب إلي شبراً؛ تقربت منه ذراعاً ،و إن تقرب مني ذراعاً ؛تقربت منه باعاً، و إن أتاني يمشي ؛ أتيته هرولة قربي و أذكري ربك كثيراً هيرتاح قلبك صدقيني « الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ ». أسمعي الناس الي هتساعدك في طريقك ، شيخ محمد الغليظ ، أمجد سمير ، سمير مصطفى ، أمير منير ،هاله سمير ، أحمد عامر .. كل الناس دي هتساعدك للقرب من اللّٰه عز و جل و هتخليكي شايفة المعنى الحقيقي للدُنيا ساعتها لا هتُبالي بماضي فات ولا حتى إبتلاءات حاضر ،،ووفقك اللّٰه و أعانك 💗
تم النشر السبت، ٢٩ نوفمبر ٢٠٢٥
وعليكم السلام ورحمة الله وبركاته، عزيزتي — أولاً أشكرك لأنك شاركتِ ما مرّ عليكِ، وأقدّر شجاعتكِ. ما وصفتهِ — التحرش، إيذاء النفس، التهديد من أقرب الناس — هو اعتداء حقيقي ومؤلم، وليس ذنبكِ أبداً. من الطبيعي أن تترسّخ لديكي مشاعر الخوف، الذنب، والاكتئاب بعد مثل هذه التجارب. أنتِ لستِ وحدكِ، والشفاء ممكن حتى لو الطريق طويل. أهم خطوات أقدّمها لك الآن بشكل مباشر وواضح: 1. تقييم السلامة الآن - هل تفكرين الآن في إيذاء نفسك أو الانتحار؟ هذا سؤال مهم. إن كانت الإجابة نعم أو إذا شعرتِ أنكِ في خطر مباشر (لكِ أو لطفلتك) فاتصلي فوراً بخدمات الطوارئ أو بخطوط مساعدة الانتحار في بلدك. إذا كنتِ في خطر من أفراد العائلة، الجهات الأمنية أو مراكز الحماية للأطفال/النساء يجب أن تكون خياراً فورياً لحمايتكِ. 2. اطلبي مساعدة مختصّة عاجلة - حاولي التواصل مع أخصائية نفسية أو طبيبة نفسية متخصّصة في صدمات الطفولة (trauma-informed). هناك علاجات فعّالة للصدمة والاكتئاب مثل العلاج المعرفي السلوكي الموجّه للصدمات، وEMDR، وفي بعض الحالات يحتاج الأمر لأدوية مضادّة للاكتئاب تحت إشراف طبيب نفسي. - على منصتنا يمكنكِ الاطلاع على صفحة الخبراء في Fedni ( https://www.fedni.net/experts ) لبحث أخصائيات يقدمْن استشارات عبر الإنترنت. 3. خطوات عملية قصيرة المدى تساعدكِ الآن - أنشئي خطة أمان بسيطة: ماذا تفعلين إذا شعرتِ بوجود خطر أو رغبة في إيذاء نفسك؟ (مثلاً: الاتصال بالطوارئ، الذهاب لمكان آمن، التواصل مع أخصائية نفسية). - سجّلي الأعراض والمشاعر التي تشعرين بها يومياً — حتى جملة أو جملتين يساعد الطبيب في فهم حالتك بسرعة. - حافظي على روتين بسيط: وقت نوم منتظم، وجبات مغذية، وحركة خفيفة يومية إذا أمكن — هذه أمور عملية تدعم التوازن النفسي. - قللي من العزلة قدر الإمكان لكن لا تضعي نفسك في مواقف يمكن أن تعرّضك للخطر. 4. حول الشعور بالذنب والعار - الذنب الذي تشعرين به شائع بعد الاعتداء، لكن تذكّري: المسؤول عن الإيذاء هو المعتدي، ليس الضحية. العمل على الرحمة مع نفسك خطوة أساسية في العلاج. - إن أردتِ، يمكنكِ مناقشة الإيمان كدعم روحي — الدعاء، طلب المساندة من الله، وقراءة آيات تُريح القلب قد تكون سنداً لكِ. الاعتناء بنفسك واجب وشرعي؛ طلب العلاج لا يتعارض مع الدين بل هو مُستحب حين يكون في مصلحة النفس. أخيراً، إذا رغبتِ، يمكنكِ البحث في منصة فدني عن أسئلة وتجارب مشابهة للحصول على مزيد من الإجابات والدعم. لا تترددي في الكتابة مرة أخرى — أنا معكِ، ومروركِ بهذه التجربة لا يحدّد قيمتكِ ولا مستقبلكِ. مع أمنياتي بالسلامة والشفاء، ذكية
تم النشر الجمعة، ٢٨ نوفمبر ٢٠٢٥
حبيبتى تسلميلى والله وربنا يسترها علينا دنيا وآخرة ويفرح قلبك زى ماريحتينى بالكلام وكنت اتمنى لو انى اقدر اشكرك بنفسى
تم النشر الجمعة، ٢٨ نوفمبر ٢٠٢٥
حسبي الله ونعم وكيل
تم النشر الجمعة، ٢٨ نوفمبر ٢٠٢٥
السلام عليكم ورحمه الله بصي يا حبيبتي دلوقتي انت في حالك متردده وخايفه ممكن تكوني خايفه بس ما تقلقيش مشاعرك دي بتدل ان انت شخص قلبك طيب ونضيفه ما تقلقيش خالص اهم حاجه علاقتك بربنا اولا واخيرا اول حاجه هتلتزمي بالصلوات كلها هتلتزمي بصلاه الفجر يعني تصحي تصلي الفجر كده تمام بعدين في صلاه العشاء عندك تلات ركعات سنة دول الشفع والوتر ( اعتبريني بنتك اعتبريني اختك أي حاجة أنا في تانية ثانوي ازهر عندي 16 سنه ) يعني أول حاجة قولنا الصلاة تاني حاجة القرآن الكريم هتقرأي كل يوم سورة البقرة ويفضل بعد الفجر لو حاساها طويلة ممكن تقرأي كل يوم صفحة لحد ما تحسي إن الكمية قليلة فتزودي وهكذا لحد ما تقدري تقرأيها كلها كاملة في نفس اليوم تمام تالت حاجة أذكار الصباح والمساء دول كنز والله وتاج الذكر ده .........لا اله إلا الله وحده لا شريك له له الملك وله الحمد وهو على كل شيء قدير وده ملخص علاقتك بربنا وأكبد علاقتك بزوجك لازم تكون مبنية على أسس قوية تمام...بالنسبة بقي للموضوع ده أنا برضو كنت اتعرضت لموقف تحرش من أحويا وكنت يلاحظ منه حركات غريبة وتهديدات وعشان ماما كانت مفهماني إن أي حد يهددني أقولها روحت قلتلها وبدأت تحميني منه وتبعدني عنه قدر الإمكان وكنت لما بقيت في ستة ابتدائي لاحظت إن هو بيتحرش بأخويا الصغير برضو رحت قلتلها ما صدقتش وتحولت تبعدني عن الموضوع لحد ما الموضوع خرج عن حده ولما بقيت في الإعدادية أقسم بالله كل يوم أنا كنت بنام جمب ماما كنت لازم أستني لما هي تنام عشان أقعد أعيط أعرف أفرغ مشاعري المكبوتة لأنها كانت دائماً بتشك فيا وكل ما بحكيلها تشك فيا أكتر كانت بتفكر إن أنا بكدب عليها عشان هو بيهددني ...تخيلي ....أو والله انأ كبرت عن الأول ونصجت وتخطيط الموضوع بعد ما أخويا راح الكلية الحمد لله بس أنا لما بتذكر المواقفي بتصعب عليا نفسي لدرجة إني كنت بمارس العادة السرية من وراها وكل ده بسبب شكها فيا .... فممكن لو كنتي قولتي لمامتك كان هيحصل أسوء ولعله خير وعسي أن تكرهوا شيئاً وهو خير لكم وعسي أن تحبوا شيئاً وهو شر لكم والله يعلم وأنتم لا تعلمون....وعسي أن تكرهوا شيئاً ويجعل الله فيه خيراً كثيراً...يمكن ده عشان تعرفي تتعاملي مع بنتك بعدين وتقدري تفهميها وياريت تعلميها المواضيع الجنسية مبكراً لو حضرتك شفتي مواضيع التحرش الجنسي بالاطفال فياريت تخلي بالك كويس وربنا يحفظها لك يارب العالمين 🤲💖🌷يارب تقبلي النصيحة مني ولو عندك أي سؤال بخصوص أي شيء ممكن تسألي عادي ممكن أعرف أساعدك عادي ❤️
تم النشر الجمعة، ٢٨ نوفمبر ٢٠٢٥
لعرض السؤال في فدني اضغط هنا