هما نفسهم ضحايا لمفاهيم غلط كبرنا عليها وتوارثناها جيل بعد جيل السلام عليكم ورحمه الله وبركاته ها الجمله اللي انا يعني اخدتها كده كوبي من من كلامك وحطيتها في اول الاجابه. هي محور الموضوع كله وهي دي الحقيقه فعلا. انت لاقيه نفسك مختلفه لاقيه نفسك عينك على نقاط مش قادره تتجاهليها انا مش قادره تتجاهلي ان اكيد دي هتكون بتعدلها الحياه هتكون افضل ليه لا طبعا بسبب المقاومه الكبيره والقوه الكبيره اللي حواليك اللي هي كلها بتقول لا مفيش داعي وااا الامور تمام وزي الفل وماشي الدنيا فانت بتحسي نفسك انك غريبه او كانك انت بتفكري فيه مش طبيعي لكن لا انت تمام وطبيعيه وكل حاجه نعمل ايه بقى في الوضع ده تعالي نفكره هنقول نعمل ايه؟ فاللي بنحتاجه نعمله بعد ما بنفهم هو ان احنا نبدا نستلم المفتاح بتاع نفس الانستا من المسؤوليه خلاص بقى شكرا جدا يا جماعه على اللي انتوا عملتوه وعلى اللي انتوا ربيتوني عليه احنا عاوزين نعمل تعديلات جذريه في الكلام ده ونختار لنفسنا طريق تاني وسكه تانيه طيب لما انا اعمل كده هل ده معناه ان انا هروح اقول لهم لو سمحت عايزكم تشتركوا ممكن تستخدميها هتشوفي الصفحات اللي معمول فيها شخبطه كتير هتكرري برده اذا كنت هتشيليها ولا هتحتفظي بيها انت اللي هتقرريمعايا في خطه التغيير دي الحقيقه هيكون ده يعني ضرب من دروب الخيال وهيكون كلام مش منطقي لان انا تسلمت المسؤوليه تعالي اقولك كده زي ايه زي ما انا اجي اديكي مشغول في ورق كثير مقرمش وفي ورق كتير متشخبط فيه فانت تقولي خلاص انا هاخد الكشكول ده وانا مسؤوله عنه خلاص الكشكول ده بقى بتاعي انا هخلي الكشكول ده احسن من المنظر اللي انتوا وصلتوه ليه فانت اللي هتاخدي الكشكول انت اللي هتنقي الصفحات اللي مكرمشه تقرري اذا كنت هتشيليها خالص ولاواا توقفي انتظار لتغيير منهم او توقفي انتظار لان هم يدوكي اللي انت عاوزاه بالطريقه اللي انت شايفاها لانه ده بيبقى صعب جدا على الاهل.
انا حقيقي متشكرة لحضرتك جدا 🙏🏻
تم النشر الاثنين، ٨ سبتمبر ٢٠٢٥
احتياجك هو اللى بيعلقك بالاشخاص العابرين وبيزيد كل ما بتلاقى معاهم حاجة ناقصاكى او شبه اللى ناقصاكى
تم النشر الاثنين، ٨ سبتمبر ٢٠٢٥
التأثر مع اخواتك مختلف لان هما ذكور واخدوا دافع السلطة فشافوا ان نفس الطريقة مناسبه واستخدموها مع الاضعف بردوا اللى هو انتى ...انك تاخدى زمام الامور بعيد عن الاذى ده مش هروب لان هنا مفيش مواجهة هيكون ليها نتيجة بناءة ...مسألة الوحده والونس قرارك ...يا اما تتونسى وتتبسطى بدون شرط ان يكون جزء من الونس ده اهلك ...او توقفى حياتك على الو نس اللى جاى منهم فبالتالى هيكون احساس الوحده ملازمك وده مش عشان محدش حواليكى لكن عشان انتى اخفيتى اى ونس غير ونس اهلك من غير ما تحسى
تم النشر الاثنين، ٨ سبتمبر ٢٠٢٥
أولا انا ممتنه جدا لإهتمام حضرتك ودعمك الكبير جوه الإجابة...ثانيا رغم اتفاقي وإدراكي كويس جدا لكلام حضرتك واقتناعي التام بيه ولكن كل ما بحاول بلاقي نفسي قدام حاجات انا مش فاهماها طيب ما انا ليا اخين اتربوا في نفس البيئة بل تم تحسينها معاهم لدرجة أنهم احيانا وقت الخلاف بيتعاملوني هما بنفس اسلوب امي وابويا التجاهل والاستهزاء بكلامي والمقاطعة ولا كاني اختهم الكبيرة ولا استحق الاحترام وقت الخلاف بدون مبالغه فعلا بتعامل كإني شئ مزعج ومقرف وغير مرغوب فيه بالمرة عندي مشكله في مفهوم الاستحقاق تجاه نفسي أساساً بسببهم ثالثا انا قررت فعلا مؤخرا ابعد بحياتي كلها لدرجة فكرت لوقت. اني اسيب البيت وامشي ولكن من جهة حسيته هروب ومن جهة تاني حسيت إن مش دي النهاية اللي عايزة اوصللها بلاس اني معنديش الامكانيه ولا الجرأه الكافيه أساسا لده فالنتيجه اني اكون لوحدي جوه البيت ابقى معاهم ومش معاهم طب اتعامل ازاي مع الوحده دي وفعلا معنديش اي مصدر دعم بديل غير ربنا سبحانه وتعالى فأتقبل ده ازاي لدرجة اني فعلا يقابل ناس وجودهم في حياتي عابر ولكن في غيابهم بمر باكتئاب وعياط وحزن من جوايا وقلق زي جروب الكورس اللي كنت فيه ولما انتهى انا واقفه عند الناس دي ومش عارفه أموف أون اني سبتهم رغم اني ملحقتش اتقرب منهم الشكل اللي يخلي رد فعلي بالشكل ده طبيعي ولكن هو مكان حسيت فيه بونس وقبول حتى من غير ما يعرفوا كل حاجه عني وعن حياتي فآسفه جدا للإطاله وبكرر امتناني وشكري لحضرتك ولاهتمامك بالإجابه على سؤالي
تم النشر السبت، ٦ سبتمبر ٢٠٢٥
لعرض الإجابة في فدني اضغط هنا