السلام عليكم ورحمه الله وبركاته اولا شكرا على ثقتك يعني اتمنى ان شاء الله ان انا افيدك في السؤال ده شوفي بما انك حاسه بالاحساس ده فهنا في احتماليه كبيره انه انجذابك للشخص ده وحبك لي من دافع انك ممكن تكوني حابه الطريقه اللي هو بيحبك بيها ان هو بيملالك جزء عاطفي ومش اكتر من كده الموضوع يعني احاسيس عاطفيه يعني مش هنقدر نقول عليها غير انها عابره مش اكثر وكده ومؤقته لان هي مرتبطه بالوقت اللي هو متواجد فيه والحاجات اللي هو بيقدمها لك ان هو بيعاملك بلطف ان هو بيقول لك كلام حلو ان هو بيتعامل معاكي بطريقه انت مفتقداها ومش لاقيها في اي حته او هي دي الحاجه او الطريقه اللي بتحسسك ان انت بنت وعايشه سنك وفي حد معجب بيكي ومغرقك حب واهتمام. غير كده الموضوع هنا عقلا انت عقلا في حاجات كتير جدا مش موجوده في الشخص ده وهتعجبك في اي حد ثاني ااا معدي يعني انا اعتقد ان انت سنك صغير ممكن تكوني يعني فهو العشرينات او ما وصلتيش للعشرينات فانا انصحك ااا بانك ما تعتبريش الشخص ده خالص ان هو ده حب حياتك بقى وحب عمرك واللي انت هتكملي معايا لحد اخر العمر لانك مش مجتمع على اختيار الشخص ده بقلبك وعقلك واا لسه محتاجه كتير قوي عشان خاطر تبقي عارفه انت عايزه ايه بالظبط وخلينا نقول القاعده الاساسيه للقاعده الاساسيه ما ينفعش يكون في علاقه ارتباط عاطفي ما بيني وما بين شخص واحنا مش في علاقه رسميه لانه كده او كده دي سلبياتها اكثر من ايجابياتها حتى لو انت شايفه ان دي حاجه لطيفه لكن صدقيني سلبيتها اكتر حتى لو احنا اا بعد شويه اتخطبنا بعد شويه اتجوزنا ولكن فعلا سلبيات المرحله دي بتظهر في وقت من الاوقات بعد كده في الحياه فانصح كلمه توقفي ده يعني عاجلا غير اجل ربنا يوفقك.
ادخلى على البروفايل هنا واضغطى على حجز جلسة وهتلاقى تفاصيل التواصل معايا
تم النشر الاثنين، ١ سبتمبر ٢٠٢٥
ممكن رقم حضرتك
تم النشر الاثنين، ١ سبتمبر ٢٠٢٥
هفكرك تانى ان سنك لسه صغير وفى مفاهيم كتيره هتحتاجى تفهميها صح عشان تختارى اختيار متوازن ...الشخص الصح مش ضرورى يكون فيه كل الصفات ومش ضرورى يكون مبيغلطتش فى الصفه الحلوه اللى فيه ولا مره ...انتى عندك اولويه فى الاختيار وهى صفة الحنيه وده تمام ...بس ده ميمنعش انك تكونى باصه ومهتمه بالصفات الاخرى المهمه عندى ...لانك لو مثلا اخدتيه حنين بس فضلت ظروفه صعبه ماديا ممكن تلاقى نفسك بتقولى بعد الجواز وانا عملت ايه بالحنيه وانا طموحى فى الحياه متحققش ....عشان كده هتحتاجى تكونى عارفه تتقبلى معانى كتير فى الحياه انتى لسه بتكتشفيها ....متتسرعيش فى انك تثبتى اختيارك وخليكى موقفه كلام معاه وادعى ربنا يختارلك الاحسن وبس ....وسيبك من موضوع اصل كده هو هيزعل لو سيبته لان الكلمتين دول مبينفعوش حد وقت الظروف ما تبقى سيئة بسبب اختيار غلط
تم النشر الاثنين، ١ سبتمبر ٢٠٢٥
أولا شكرا لحضرتك حسيتك وصفتيني..تنصحيني ب اية بالله عليكي اعملو😭نا الحمدلله مش بكلمو عشان قولنا حرام والموضوع متعقد لأنو بعيد وهيعيش في قرية وعيلة ونا مش بقدر ع شغل العيلة ومش بستحمل من انا وصغيرة عندي عقدة من موضوع انو اعيش في بيت عيلة نا أصلا عائشة في قري لكن حلمي دايما انو اعيش في مدينة واحقق هدفي انو اشتغل بعد م اتخرج لأنو بموت في التعليم لكن لما كان حد يلفت انتباهي ب ادايق بقول مينفعش يكون هو بيحبني ونا اعجب بحد تاني واقول ل نفسي نا عايزاة عشان بيحبني بكل حاجة فيا وحنين عليا ومش هيقسا عليا زي ماما ف بخاف اتجوز حد وميطلعش حنين ف بقول ل نفسي نا عايزة دا عشان حنين وكويس بيصلي وخاتم القرآن وبيراضي امو بس من جوايا شعور بيدايقني اوي انو بحس نفسي نفسي اختار شخص احسن من كدا ومكانة في المجتمع لكن بحس في نفس الوقت لما افكر كدا يجي في بالي هو ف بقول ل نفسي يمكن هو المناسب ليا عشان هو شبهي اووووي معرفش حاسة بتأنيب ضمير فظيع بقول طب هو نا لو اتقدملي حد زي منا عايزة نا هكون مبسوطة بية وهو هيكون زعلان عليا أنو مخدنيش طب منا ادعي ربنا بالشخص اللي بيحبني وحنين احسن محدش حد غير كدا مع العلم والله انو دايما واثقة انو ربنا هيراضيني ب اختيارو لكن بكون من جوايا عندي خوف من الجواز واكون خايفة م اخدش حد حنين ..ي دكتور دي اكتر حاجة مأثرة عليا مش عارفة اتخطاها بدور دايما ع الحنية واحس نفسي عادي اتنازل عن احلامي وانو ابقا حاجة ومشتغلش ومالو طول م هو حنين .. دايما بيجيلي الشعور دا ..اسفة لو طولت عليكي..لكن مرة اتخانقنا قبل يعني م اقولو حرام وبطلنا نتكلم اتخانقنا وهو في الخناق قسي عليا وكدا مرة واتنين ومفهمنيش من كتر عصبيو ف حسيت نفسي مش عايزاة لما لقيتو مش حنين وبيقسا فكرني وقتها ب ماما لما اتخانق معاها ومتفهمنيش ف حسيت نفسي انو لا نا مش عايزاة بعد م نرجع نتصالح يقول نا كان في نيتي كذا اقول نا مالي بالنية بقول م يمكن ماما نفس الكلام نيتها أنها حنينة لكن مش مبينة كدا وحسيت المهم انو اتخطيت وقولت شعور التخطي حلو وانو حسيت نفسي رجعت بأحلامي اللي نفسي احققها واخد شخص عايش مرتاح ولية مكانة ويخليني أشتغل بعدها لما رجع صالحني رجعت احس نفسي انو بحبو نا مش فاهمة نفسي ...بقول يآرب العالمين يراضيني ويرضا عني
تم النشر الأحد، ٣١ أغسطس ٢٠٢٥
لعرض الإجابة في فدني اضغط هنا