السلام عليكم
(قبل ما ابدا انا عارفه الي عملته حرام وغلط بلاش حد يجي يقولي حرام ويأنبني)
أنا من حوالي سنة كدا و3 شهور اتعرفت على اتنين صحاب سوشيال عن طريق لعبة المهم كان واحد فيهم أكبر مني ب 10 سنين تقريبا او 9 وواحد ب 7 سنين كنا بنلعب كتير وهكذا وانا كنت بقطع اللعب علشان اروح اصلي وهكذا مع الوقت لقتهم شايفين اني مثاليه وطيبه علشان بصلي وحافظة القرآن فقولت لهم يا جماعة كلامي معاكم في حد ذاته حرام فشافو اني مثاليه اكتر من الاول وبقو حرفيا يعملو حاجات كتير جدا علشاني
للمعلومة الاتنين صحاب في الواقع المهم اني اخذت حساباتهم من واحدة صاحبنا كانت بتلعب معانا هنا كنت بكلمهم كل يوم وهكذا وحبيت واحد فيهم وطلع بيحبني الي كان الفرق بنا 7 سنين التاني حاسه أنه كان معجب لكن نراجع بسبب فرق السن وصاحبه
المهم التاني قطع كلام معايا خالص وعدت الايام واكتشفت اني ماديا أعلى منه وناجحه جدا ف دراستي وعندي هدف انما هو دايما يقولي معنديش هدف بينما هو مش مكمل ثانوي تفتكرو كل ده همني لا كملت معاه لاني حبيته وكان كويس بصراحة لكن فجأة قالي نبقى صحاب وفضلنا صحاب علشان مكنتش عايزة اخسره وفجأة سابني
ولما كان بيكلمني صوت عياطي بان فجأة غير رأيه ورجع وفضل الوضع كدا يسيبني ويرجع وانا كنت بنهار ومتعلقه بيه لا وبخش اكلمه انا كمان المهم عدت الايام مكناش بنتكلم دخلت سلمت عليه وقولت له تزيد وبتاع وبعدها رميت له كلمه أنه سابني علشان انا أعلى منه بكتير سكت وبعدها قالي انا مش عايز اعرفك تاني ابدا
( نسيت أقول حاجة هو وصاحبه كانو فاكرين اني ملاك نازلة من السما وانا فضلت اقول لهم اني بغلط وهكذا وهم مش مقتنعين لكن بصراحة بعدين حبيت الموضوع)
المهم اتوجعت اوي واتجرحت ودرجاتي بقت فالارض المهم أنه سابني خالص وقالي فرق السن بنا 7 سنين كبير وعقلك صغير المصيبة الكبرى هي اني عملت حساب بنت وكبرت نفسي 3 سنين ودخلت عملت له فولو وكان نفس اسلوبي وشخصيتي مع تغير حالتي الماديه ومستوايا التعليمي علشان يكونو اقل منه او موازين ليه
كان ف الاول شاكك أن انا باسلوب حبني وهنا انا لعبت عليه وسبته وعمل حاجة عمره ما عملتها معايا بشخصيتي الحقيقه اترجاني ارجع وعملت له بلوك من كل حته ودخل لي برضو صعبت عليا نفسي ورجعت له ساعات كتير كنت بنسى اني الحساب المزيف وافرح بكلامه واقول ما افتكر احس بالوجع والعار وهو حكالي عني لكن لما شتمتني قدامه الغريبه انه دافع عني وقال كلام حلو فحقي لكن بعدها لما سألته ليه كملت معاها كل ده قالي علشان كانت بتصعب عليا كانت بتعيط الكلام وجعني
فضلت اكلمه وكان سعيد جدا وبيعمل حاجات عمره ما عملها معايا الخلاصه أنه حبني فعلا بحسابي المزيف وهناك انا حسيت انه حرام ( انا كنت عارفة كل حاجة حرام بس الخطوات كانت تقيله عليا من البدايه بلاش حد يجرجني بالكلام ) المهم أن سبته اسبوع كامل كان هيتجنن وبيعت لي كل خمس دقايق وانا ولا هنا
كنت خلاص عزمت على ان الحاجة دي حرام وهبعد عنها لكن شيطاني غلبني وبعد اسبوع رجعت له لأنه صعب عليا وقولت أن تلفوني باظ حرفيا كان ناقص يزغرط من الفرحه بيعاملني معاملة يا نهار يا جماعة توجع قلبي على حالي المهم عدى فترة واتعلق بيا اكتر و دلوقتي انا اختفيت زي الاول وهو كل نص ساعة بيبعت رسالة يقولي حصل اي ولا في اي ولا أي والف احتمال وانا حاسه بالذنب بس حرام اني ارجع له مش عارفه اعمل اي وصعبان عليا انا قولت أقول لكم قصتي علشان تعرفو آخرة الحرام واسفه عالاطاله
عارفة لما تصاحبي بنوتة صاحبتك و تكونوا قريبين جدًّا من بعض فجأة يحصل بينكوا اي تاتش فتتفركش صحوبيتكوا و كنتي متعلقة بيها و بصحوبيتها و دلوقتي مش قادرة تكلميها و بتحاولي تتعافي من علاقة زي دي عارفة صحبتك دي هتشوفيها قدامك ممكن هتسمعي صوتها مرة ممكن هتعرفي أخبارها ممكن حد هيكلمك عنها ف يوم من الأيام ممكن !! ( الشباب دول كان كل اللي بينك و بينهم كام شات على كام تطبيق ببلوك متقدريش توصليلهم و لا تعرفيهم تاني ... و خلاص خلصت حكايتنا) ؛ العلاج من العلاقة دي بيبقى صعب أوي مش بحبطك و الله و لا بعجزك بس انا أعرف الحالات دي فالمقصد من كلامي إنك لازم تختاري انك تتعافي من دا و دلوقت لان دا مش بيبقى سهل هترجعي كتير تبقي عاوزة تفكي البلوك و ايدك هتاكلك تدخلي تقوليله ازيك اقطعي كل حاجة ممكن توصلك ليه ممكن يكون الموضوع أخد جانب تاني بس لإني مش حبالك تفضلي ف الأذى متعلقيش نفسك أكتر من كدا نفسك الحقيقية أو المزيفة بتقنعي نفسك انك كدا مش انتي و انك بشخصية تانية ؟؟ إنت كدا مش بتاخدي حقك هتفضلي متعلقة بيه هو هينسى القديمة انتي هتتوجعي اكتر انو نساكي و حب شخصية مُفَبركة انتِ المَأْذِيَّة
تم النشر الأربعاء، ١٣ مايو ٢٠٢٦
وعليكم السلام ورحمه الله وبركاته بصي يا بنت الناس فوقي لنفسك وخافي على ميزان حسناتك عشان اللي بتعمليه ده كدب وخداع وباب للشيطان يجرجرك لطريق آخره ندم وتعب قلب إنتي عارفة ومقتنعة إن الموضوع ده حرام ومع ذلك ماشية فيه وبتحبي حد حب "الكدبة" مش حبك إنتي الحقيقية الشخص اللي يحبك لما تصغري نفسك وتقللي من مستواكي عشان ترضيه ده مش الشخص اللي يصونك ولا يتقي الله فيكي اتقي الله في أهلك وفي نفسك واقطعي السكة دي تماماً وتوبي لربنا وابعدي عن الحسابات المزيفة دي خالص سيبي المعصية لله ومن ترك شيئاً لله عوضه الله خيراً منه وركزي في دراستك ومستقبلك وربنا هيرزقك باللي يستاهلك بالحلال ويصون كرامتك من غير تمثيل ولا كدب وشكرا على النصيحه... تعرفي اي اللي اثر فيا .. أن ده حال بنت من بنات المسلمين.. أن ده حال اخت ليا ..أن ده حال بنت من اهل الله وخاصته ..أن ده حال بنت من اهل القران.. والله انا اتضايقتلك ومش عارف اقلك اي ... ربنا يصلح حالك وحالنا جميعاً 🌷🤲
تم النشر الأربعاء، ١٣ مايو ٢٠٢٦
وعليكم السلام ورحمة الله وبركاته يا حبيبتي ذكية 🌸 أول حاجة، أنتِ قوية جدًا إنكِ اعترفتِ باللي حصل وقررتِ تشاركيه، ده خطوة كبيرة نحو الشفاء. شعور الذنب ده طبيعي لأنه بيجي من قلب طيب زيكِ، بس خليه يدفعكِ للأمام مش يعطلكِ. ربنا غفور رحيم، والتوبة الصادقة تمحي كل حاجة. خطوات عملية عشان تتخلصي من الذنب وترجعي لنفسكِ: الإقلاع فورًا : احذفي الحساب المزيف دلوقتي، وبلوك كامل ليه من كل حتة (سوشيال، لعبة، كل حاجة). متردديش ولا تردي على رسايله، حتى لو صعب في الأول – ده هيحميكِ ويثبت عزمكِ. الاستغفار والتقرب لربنا : كل يوم بعد كل صلاة، قولي "أستغفر الله العظيم اللي لا إله إلا هو الحي القيوم وأتوب إليه" 100 مرة. اقرئي قرآن يوميًا، هتريحي قلبكِ. ركزي على صلاتكِ وعبادتكِ زي أول ما كنتِ. ركزي على أهدافكِ : أنتِ ناجحة في دراستكِ وماديًا أعلى، استغلي ده! حددي هدف يومي صغير زي "النهارده هذاكر ساعتين" أو "هبدأ هواية جديدة زي الرسم". شغلي وقتكِ بدراسة، رياضة، أو تعلم مهارة جديدة عشان متفضيش وقت للتفكير. غيري روتينكِ : امسحي اللعبة خالص، وابني جدول يومي مليان إيجابيات. لو الذنب رجع يضغط، اكتبي اللي حصل على ورقة وحرقيها – رمزيًا، ده بيخفف الضغط النفسي. الشعور ده هيروح تدريجيًا لما تشوفي نفسكِ بترتقي. أنتِ مش "ملاك نازل من السما" زي ما كانوا بيقولوا، أنتِ بنت عادية زي كلنا بتغلط وتتعلم، بس عندكِ قلب كبير وقدرة على التغيير. استمري كده، وهترجعي أقوى. لو عايزة دعم أكتر، دوري في فدني على أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts – فيه متخصصين نفسيين ومدربين حياة هيساعدوكِ شخصيًا. أنتِ تستاهلي الأفضل، خليكِ قوية يا قمر 💪❤️ إيه رأيكِ نبدأ النهارده؟
تم النشر الثلاثاء، ١٢ مايو ٢٠٢٦
بصي يا بنتي خافي على نفسك من غضب ربنا عشان اللي بيصعب عليه حد في الحرام بيبقى بيفتح باب للشيطان يضيع له دينه ودنياه إنتي بتلبي نداء شيطانك وبترجعي لذنبه وإنتي عارفة إنه كدب ومعصية وممكن ربنا يسلب منك الستر والنجاح اللي إنتي فيه بسب تماديكي في الخداع ده افتكري إن عقاب ربنا شديد وإن من استعجل شيئاً قبل أوانه عوقب بحرمانه فلو كملتي في الكذب ده ممكن تتحرمي من راحة البال ومن الرزق الحلال الشخص ده مش ضحية ده فتنة ليكي والشفقة اللي إنتي حساها دي فخ عشان تفضلي غرقانة في الحرام وتخسري كرامتك ودينك فوقي قبل ما تلاقي نفسك في موقف ملوش رجوع وتندمي يوم لا ينفع الندم واتقي يوماً ترجعين فيه إلى الله وساعتها مش هينفعك الشخص ده ولا هتنفعك المشاعر المزيفة اللي بنيتيها على باطل اقطعي وتوبي لربنا توبة نصوحة عشان يباركلك في حياتك ويحميكي من شر نفسك ومن شر اللي بتعمليه
تم النشر الأربعاء، ١٣ مايو ٢٠٢٦
كملى فى البعد على شخصك المزيف وبلاش تقوليله فيتكسر أكتر ، وكملى ف البعد على شخصك الحقيقى إل شاف إن ممكن يعرف وحده دخلت تكلمه من أكونت مزيف عادى يعنى عندى رفاهية إنه يعرف غيرك ف وقت لسه علاقتكم كانت شبه حيه ، متعترفيش بحاجه ومتحاوليش تصلحى حاجة صدقينى دا مدخل تانى للشيطان والمشاعر هتلعب دورها وهتغفروا لبعض الأخطاء وهنا محدش عارف الضربة الجاية هتكون عامله ازاى ، حاولى بس تصلحى علاقتك بربنا مش أكتر
تم النشر الأربعاء، ١٣ مايو ٢٠٢٦
قرري من دلوقتي إنك تسيبي الفلم دا وتبداي بداية جديدة أنا عارفة أن الموضوع مش ساهل وهتتعبي بس عادي بلاش تكملي بالله الموضوع في الأول كان لعبة دلوقتي برضو لعبة بس أنتم الأبطال فـ أنتِ من دالوقتي خدي قرار وغيري حياتك صدقيني الأمر ممكن يطور وممكن تكلمي ناس كتير والموضوع يكبر وفي الآخر تكرهي نفسك وتقولي أنا مين؟؟؟ أنا إزاي وصلت هنا هتتألمي بس ألم التوبة والبعد ألذ مليون مرة من ألم الذنب فـ أنتِ قرري! وبجد بلاش تكلمي ولا تستني دقيقة
تم النشر الأربعاء، ١٣ مايو ٢٠٢٦
@فَاطِمٌ الشَّافِعِيُّ. شكرا كلامك الجميل بس هو برغم كل ده صعبان عليا اوي
تم النشر الأربعاء، ١٣ مايو ٢٠٢٦
وعليكم السلام أهلًا بيكِ، واضح جدًا إنك ناضجة ما شاء الله، آخر السؤال كتبتي (ودي آخرة الحرام) فعلًا صدقتِ جدًا جدًا بس أنا عايزة أقولك مش علطول الحرام بتكون الآخرة توبة وإنك ترجعي وتكوني إنسانة كويسة لا ساعات الإنسان بيموت قبل ما يتوب دا إحتمال، الفكرة أنا ملاحظة في كلامك ما شاء الله نضج وكمان عارفة أن دا خطأ بس عايزة حلول صح؟
تم النشر الأربعاء، ١٣ مايو ٢٠٢٦
نفس الكلام بس العكس بقى بس فعلا غلط الي بنعملوه ده .. وهو شوية شوية وهينساكي متقلقيش
تم النشر الخميس، ١٤ مايو ٢٠٢٦
للعلم هو شخصية بياعه جدا ومستحيل كان يخش لحد او يتأسف او كدا كبريئاه عالي شويه لكنه ضحى بكل ده علشان حبني من حساب مزيف بنفس شخصيتي حتى قالي أن شخصيتي نفس شخصيتي هو لحد الان ميعرفش انا مين
تم النشر الثلاثاء، ١٢ مايو ٢٠٢٦
لعرض السؤال في فدني اضغط هنا