Mariam Faheem

بصي انا زيك وانا بدور على طريقة ودايما مهما طالت المدة كنت برجع انقح من الاول ف لقيت حد بيقول الحل مش المنع الحل في الاستبدال يعني لما تيجي تمسكي الموبايل جربي تجيبي مثلا كراسة تلوين ولوني او اعملي تمارين او مثلا لو انتي في ابليكيشن معين مثلا مدمناه زي تيك توك او اي ابليكشن تاني نزلي مثلا تطبيق Istoria او Busuu بيعلموا الانجليزي بطرق لذيذة وفعالة ومش هتملي وفي نفس الوقت بديل عن حاجة بتضيعلك وقتك وكمان لما تجيلك فكرة مُلحة انك عايزة تروحي للتطبيق ده او تمسكي الموبايل عموما… سوفي على قد ما تقدري زي ما بنسوف في الحاجة المفيدة نستخدم التسويف لحاجة مضرة افضلي قولي همسك الموبايل بس كمان شوية بعد ما اعمل كذا وبرضوا ما تقوليش لنفسك بعد ما اخلص مذاكرتي كلها عشان مخك هيحس انه حمل تقيل ويرجع ينتكس من تاني الحل الفعال تسوفي وتقولي بعد ما اخلص الصفحة دي بعد ما اخلص الصفحتين دول انتي اصلا مع تركيزك مع المادة مش مجرد انك بتكروتيهم عشان تمسكي الموبايل لأ لكن بتركزي في اللي بيتقال كويس جدا ف لما بتركزي مخك بيندمج وبيبقى عايز كمان ومستمتع وبتتسحلي مع المذاكرة… بس اتمنى اكون فيدتك وربنا يهدينا يا رب❤❤

ولو مقتدر ماديا روح لدكتور نفسي يساعدك مش عيب

بيبقى غالبا من صدمات الطفولة حاول تخصص وقت لنفسك في اليوم فضفض واسأل نفسك شوية اسألة انت حاسس بكذا ليه في حاجات بتبقى ناتجة عن صدمات الماضي ملهاش حل غير انك تقعد مع نفسك وتفهم نفسك كويس عشان تحاول تتشافى من صدمات الماضي

اقري كتب كتير هتنمي مهاراتك وتخلي تفكيرك مش محدود ومثقفة وحاولي لو تقدري تنمي الانجلش عندك مش شرط تنزلي كورسات دلوقتي في تطبيقات بتعمل ده بالمجان وربنا يوفقك يا جميلة ان شاء الله ♥♥♥

اهم حاجة ما تضغطيش علي نفسك انك لازم تعملي كذا وكذا ولو ما عملتيش تحبطي ف في البداية حبي نفسك وشجعيها دايما ولما تغلطي ما تجلديش نفسك قولي انا غلطت المرة دي في كذا والمرة اللي جاية هصلح ده ما تقسيش على نفسك من البداية لأن الحياة قاسية بما يكفي

جيب كشكول واكتب كل اللي مضايقك فيه انزل اتمشى وشوف الشمس حاجات بسيطة بس ممكن تحسن من نفسيتك شوية