Maram Mo

وقتها الاهل ليهم دور مهم وهو انهم يمسحوا التطبيق ده من عالموبايل يحاولوا يقعدوا يتكلموا معاه يعوضون عن الفراغ اللي جواه أو الاحتياجات اللي أدت إلى أنه يروح ياخدها من التطبيق ده ويعطوه شويه اهتمام ومينفعش يتساب عالموبايل كتير لأن لو المره دي اتعلق بشات دي بي تي وده ذكاء الاصطناعي ممكن بعدها يكلم بنات تانيه ويتعلق بيهم

ممكن لأنك خلاص ضمنت وجودها أو خلصت حلاوة البدايات أو إنك عايزه تعيش شعور معين بس إللي بيبقي ف بداية اي علاقه لكن انت م شخص لسه مش جاهز بالفعل إنك تتدخل علاقه مع بنت او انك تخطب أو تتجوز يعني لسه مش مؤهل بالفعل ل ده

ده محتاج تعديل سلوك من خلال طبيب أو معالج نفسي بس الاهم حاليا انك تبدأ تبعد الافكار والحاجات دي من دماغك علي قد ما تقدر زي إنك مينفعش تتفرج علي النوع ده بالذات من الافلام ولا ينفع أفلام أصلا بس بالتركيز علي النوع ده لان ده هيزود الرغبه آكتر وإنت عايز تحل المشكلة ف الفكرة تكون ف إنك ضرووري محتاح طبيب نفسي يبدأ معاك العلاج بتعديل السلوك

ضروري جدا تروحي لدكتور لأن دي غالبا ممكن مش قشره وبلاش تعملي بايدك جامد مثلا وإنتي بتغسلي شعرك بالشامبو لان كل ده بيزود الاحتكاك ويخلي الفروة تنزل دم ف من الافضل تروحي ل دكتور يشوف حالتك وإن شاء الله خير وربنا يطمنك

حبيبتي قربي من ربك واهتمي ب صلاتك ووردك فالقرآن واحسن رفيقه ليكي الآن هي والدتك ظبطى علاقتك بيها واتكلمي معاها دايما احكيلها إللي تعبك ولو عندك أخوات بنات بردو وكونك معندكيش صحاب مش معناه إنك حد وحش لا بالعكس انتي دماغك ممكن تكون أكبر وانضج منهم

قرب من ربنا آكتر واهتم ب صلاتك وورد القرآن ولما تحس بحاجه ممكن تنزل تلعب رياضه تنزل جيم شوف فيديوز عن إزاي تبطل العادة دي وكمان معدلك كويس جدا وان شاء الله هتلحق كليه كويسه وربنا يكرمك وتشتغل غ حاجة كويسه ب الجانب الاهم. إنك تبعد عن المعاصي وتبطل الحاجة إللي بتتفرج عليها أو بتعملها دي لأن أخرتها هلاك وبتوصل الإدمان غير كده إنها حرام وإنت كده بتعمل معصيه

الدعاء يكون مع السعي والأخذ بالاسباب واذا بتدعي ومفيش دعوة مستجابة معناه ان ممكن يكون الحاجة دي مش خير ليكي زي ما انتي فاهمه وان شاء الله ربنا يعوضك وتعرفي بعدين ان الحاجة دي مكنش فيها الخير ليكي وان ربنا اللي بيختار ليكي الصح دايما

حبيبتي انتي بعمر لسه متلغبطه ف أحسن حاجه تعمليها دلوقت إنك تقربي من ربنا وتكوني ملتزمه وتنامى بنفسك وبدراستك وقربي من أهلك حاولي تتكلمي معاهم تحكيلهم اي حاجه عن يومك عن الحاجات اللي انتي حاسه بيها قربك من ربنا ومن أهلك هيحللك كل مشاكلك

عادي اذا هو شخص كويس وتفكيرك شبه بعض وحاسه انو فرق السن ده مش هيكون متعب بعدين بعد كام سنه وهتكوني سعيده مع الشخص ده ف عادي تمام عمره كده مش عائق بل بالعكس اذا انتي شخص كنتي فاقده حنيه باباكي أو كده بتشوفي فيه الاب والحبيب والزوج وهترتاحي إكتر

الفكره إنك شفت حد فالبيت كده مثلا باباك أو مامتك ف اتعودت علي الحاجة دي واتشربت الصفه دي منهم ف بقيت زيهم من أقل حاجة عصبيه وزعيق وصوت عالي مع إن ممكن كمان تكون اصلا انت كنت بتكره الحاجه دي فيهم بس غصب عند بالتدريج بقيت تعمل نفس الحاجات دي ف كل اللي انت محتاجه ان انت تقعد مع نفسك وتفهم أنا ليه بعمل كده بالرغم من أن الحاجه دب مش مستاهله وفكل مره يحصل حاجه قبل ما يكون ليك اي رد فعل عليها تقعد براحة مع نفسك وتهدي وتحاول تتحكم ف نفسك إنك تكون رد فعلك أحسن ولو مقد اش والموضوع زاد من الأفضل تتعرض على مختص نفسي عشان الحاجات دي متعملش ليك مشاكل ف حياتك بعدين

اتعلمي حاجه جديده ف مجال معين وادرسيه كويس لعند ما تكوني خبره في مجال ده ومعاكى شهاده وبعدها قدمي ف شركه جديده وان شاء الله خير وتتقبلي أو زي إنك تتعملي لغات لفه انجليزيه أو المانيه أو اسبانية وغيرها وتأخير العمل ده يمكن خير ليكي وربنا إن شاء الله يكرمك يشغل كويس بعدين